32岁“恶妻”吴若希(Jinny)嫁给澳门阔少何兆鸿（Alex）迈向8年，由不时吵吵闹闹，甚至公审老公，到现在反而激赞老公肯修心养性积极工作，为头家及子女付出金钱及心神，表现良好。Jinny自爆结婚初期曾被老公连累，搞到被警方通缉要去警署报到，气到爆炸的她一度萌生离婚念头！幸而苦心经营下，终于成功调教未成熟老公，Jinny满足地分享另类御夫术。 

吴若希主演的TVB新剧《奔跑吧！勇敢的女人们》中，零偶包扮演已脱节职场15年的“乌搲老婆”，表情动态劲有喜感，获赞演大癫大丧的角色做得几好。剧中的Jinny和现实版的自己有点相似，除了都是两子女之母外，同样在事业高峰期随性地结婚生子，更一度搬往外地生活。

赞老公觉醒给80分

25岁时奉子成婚的Jinny曾随Alex搬往澳门生活一段时间，原来想尝试做下煮饭婆生活：“但发觉自己怕闷，性格系停不了，即使佗B期间都经常港、澳两边走。”所以她坚决重拾事业。现在Jinny既事业又有家庭，感恩上天给予不少好事，包括表现得越来越好的老公，令她一直都幸福：“何生其实向来唔差嘅，尤其近年越嚟越成熟，以前佢唔够努力，但呢几年表现积极，会校定闹钟起身返工，唔止系人哋老公、子女爸爸，亦系称职老板，表现值80分。现在不论交租、水电煤、仔女供书教学、家佣、买餸等，屋企大部份开支都系佢嘅，我只系买衫裤鞋袜畀自己及负责小朋友兴趣班支出。”问到是否成功调教老公？她笑说：“咁做人要有进步嘛，可能有小朋友后觉醒，希望我系帮到佢啦！”

摸到夫妻相处方式

当问到现在是否不再公审老公时？她却有所保留：“间中啦，因为佢都有啲蠢嘢发生。”不过，Jinny就话两公婆沟通越来越好，更摸到越来越好的相处方式：“其实每次玩公审，佢系会气，明白系踩着我底线，好快反省知道错喺边，有句话佢讲得几好㗎‘同得佢结婚都知道佢系咁嘅性格啦！唔接受连婚都唔会结。’我哋两个对婚姻睇得好重，既然两公婆就要一齐努力keep住沟通。”结婚近8年，Jinny坦言的确有谂过离婚，还自爆最气的一件事：“佢系澳门人，港、澳两地生活节奏唔同，佢好chill我好急，两地法例都有好大差别，比如澳门交通违例罚款可以累积一年缴交，香港就月月清。佢试过喺香港揸我部车被炒牌，虽然我有提示佢快啲交罚款，但佢冇理会拖足半年多，直至有日我接获警方来电话‘吴小姐，我哋想畀封信你，因为票控罚款逾时未交，法庭落咗通缉令。’对方还补充一句‘只系小事冇嘢嘅，交返罚款就得㗎喇！不过就要到警署销案。’哗！听完好surprise！我咁大个人都冇乜入警署，重点我又冇做错都系被拖累，当下真系气到冇嘢讲，只系对住老公苦笑加句‘何生好犀利呀！’”然而就“吴若希被通缉”事件，两公婆从中学会要互谅互让：“两地文化差异对婚姻系会有影响嘅，我有提佢快啲交，但喺佢嘅世界及角度未必get得到。”

重视爸爸参与度高

Jinny分享另类御夫术：“我哋以前成日吵吵闹闹，其实只系激烈地讨论件事，咁当然，早几年无嗱嗱被通缉，间中有谂下离婚好正常，不过，离婚两字就好少讲出口，成日讲就返唔到头。我会成日搵佢呃水吹，最重要佢喺爸爸角色上参与度高，尤其我要外出工作，佢会take care小朋友生活及学习，佢嘅位置重要到唔系可有可无，绝对唔系两公婆齐全，但好似伪单亲咁，而且仲会纾解到我压力。”