马清铿／马清铿太太／钟睿心／“五索”｜已婚有太太的大生银行主席马清铿早前被《东周刊》独家爆出与巨咪网红小三“五索”钟睿心（Rachel）暗交9年，甚至更被指为马清铿诞下四名孩子，其后“五索”接受《东周刊》独家专访，自豪地表示因为样靓身材正，九年前出席富豪饭局，第一次跟马生见面，从此改写了她的命运。

“五索”透露曾出席城中富二代结婚

“五索”被指多年来极受宠幸，因为好生养的关系，不单获源源不绝地送钱、送楼和送车，甚至疑与马清铿出席富豪界的活动！去年12月10日郑家纯孻仔郑志亮（Christopher）结婚，在家族旗下的瑰丽酒店（Rosewood）举办婚礼，城中高官富商个个畀面出席，马清铿疑与“小三”“五索”出席婚宴，“五索”翌日在IG拍片透露自己亦有份出席城中富二代结婚。

▲马家富甲一方，马清铿的哥哥马清伟及弟弟马清扬，皆因与女星传出绯闻，而成为大众关注的人物。

▲据《东周刊》报道，“五索”的身家已“亿亿声”。

“五索”在郑志亮结婚翌日谈及仇富问题

郑家纯孻仔郑志亮结婚翌日，“五索”在IG谈及香港人“仇富”问题，“噚日呢就系一个城中富二代结婚，成个尖沙咀嘅交通都沦陷咗啊，呢个时候我只可以离两条街嘅地方落车，行过去Rosewood。喺街度有一个中年男人异常地激动，‘唓，有钱人大晒啊？结婚做乜阻Q住晒呀！’我话畀你听，有钱人真系唔系大晒，九成九啦，至少佢结婚会令到成个尖沙咀沦陷咗啦，你结婚唔会囉，冇人知囉。”“五索”更嚣张地说：“你好似我咁呀嘛，遇到所有有钱人你都擦鞋，越有钱越擦，十倍、廿倍、卅倍咁擦上去，有一日，有一日你终会擦到自己变成有钱人。你唔钟意有钱人代表咩？代表你唔钟意钱呀，你应该视佢为学习对象，学我喇，只有擦鞋先帮到你㗎咋，真系唔好再仇富啦，香港人，所以点解香港咁多穷人呢？太仇富啦真系。”

“五索”多次分享与“富商A”的相处轶事

“五索”过往多次在IG分享与“富商A”的相处轶事，“五索”表示纵然自己煮嘢难食、唱歌走音、化妆化衰了，仍获“富商A”激赞，令自己慢慢建立自信：“佢系冇一秒批评我，从来都冇，呢样嘢系几多钱都买唔到，不过钱都系最重要！”“五索”曾分享过一段“富商A”自信爆棚的故事：“喺富豪界入面，因为佢而家都做得我阿爸嘅关系，佢个样都唔会特别靓仔啦，都ok啦，但又唔系核突到呕嗰啲啦，即系唔系啲大肥佬嘅有钱佬啦。有一次经过啲租船嘅船，上面有一堆MK仔喎，咁成班MK仔系用一个非常讽刺同寸嘅语气去讲反话喺度赞佢，‘Woo好型啊’即系成班喺度笑，狂笑耻笑咁样啦。呢个时候富商A好认真咁回应咗佢一句，一秒都唔使，‘吓，系咪真架，你都好型啊！’呢个时候佢一秒钟KO晒成班MK仔，佢劲呀真系，佢啲自信我真系，唔知喺边度嚟。”

“五索”赞富商A有钱又有自信

“五索”续说：“哗，原来只要你有自信到一个位呢，系任何人都唔会攻击到你囉，因为嗰吓真系唔知点应佢呀！系佢真心觉得自己好型，所以佢好多谢人哋赞佢，但佢真系唔知道人哋真心笑佢。”虽然事后她有跟富商A说是因为老仍玩水上电单车而被耻笑，但富商A反指“五索”“痴线”，“五索”说：“佢真系觉得好型，真系抵佢咁有钱，原来有好多嘢自信系解决好多问题，所以同咗佢一齐之后，我系由一个好自卑嘅人呢，慢慢变得敢做自己多啲，然后呢一种自信可以令到你个人变得比较顺啦、成功同比较正面。”